გაიცანით ჩვენი გუნდი
წლების განმავლობაში kelistones-ს ბრენდს მხოლოდ მე ვმართავდი, სამკაულის შექმნიდან – ამანათის გაგზავნით დასრულებული. მაგრამ დროთა განმავლობაში ბრენდის ზრდასთან ერთად საჭირო გახდა გუნდის შექმნა და ახალი ადამიანების საქმეში ჩართვა. ვამაყობ იმ ფაქტით, რომ Kelistones-ის ბრენდს დაემატა ჩემი ოჯახის 5 წევრი, რომლებიც ამ საქმეს ისეთივე სიყვარულითა და მონდომებით უძღვებიან როგორც მე. როდესაც ჩვენი პროდუქციის შეძენას გადაწყვეტთ, მინდა იცნობდეთ იმ ადამიანებს, ვინც Kelistones-ის ბრენდის არსებობას შესაძლებელს ხდის.
გენერალური მენეჯერი
ია
2018 წელს კელის ამერიკაში გამგზავრების შემდეგ Kelistones-ს სამკაულის ბრენდს სათავეში ჩაუდგა კელის დედა – გენერალური მენეჯერი და დიზაინერი – ია, რომლისთვისაც მინერალების სფერო სრულიად ახალი იყო და დასჭირდა აღნიშნულის სწრაფად შესწავლა. რაც არ გასჭირვებია. ქალბატონ იას დამთავრებული აქვს ქ. თბილისის სახელმწიფო სამხატვრო აკადემიის არქიტექტურის ფაკულტეტი.
90-იან წლებში დაეუფლა ახალ პროფესიას – კოსტუმების ისტორიას და კითხულობდა ლექციებს ი. ნიკოლაძის სახელობის სამხატვრო სასწავლებელში. კიდევ ერთი ახალი პროფესიის დაუფლების შემდეგ, 2010-2018 წლებში დაიწყო ხელნაკეთი ავეჯის დიზაინის შექმნა და დამზადება. ამიტომაც არ არის გასაკვირი, რომ ქალბატონმა იამ მალევე აუღო ალღო Kelistones-ს ბრენდის სპეციფიკას და საინტერესო იდეებით გაუძღვა სამკაულის განხრას.
დღეს ქალბატონ იას მიერ Kelistones-სთვის დამზადებულ სამკაულს საქართველოსა და მთელს მსოფლიოში მრავალი ერთგული მომხმარებელი ჰყავს.
ვებ დეველოპერი
სანდრო
2016 წელს Kelistones- ს გუნდს დაემატა ახალი წევრი, კელის ძმის – სანდროს სახით. სანდრო პროფესიით აიტი ინჟინერი და ვებ დეველოპერია. როდესაც კელის მკითხველებისა მომხმარებლების რაოდენობამ იმატა საჭირო გახდა სოციალური ქსელისა და საიტის პროფესიონალური გამართვა და შემდგომი მეთვალყურეობა, რასაც სანდრომ წარმატებით გაართვა თავი. მან არაერთი საჭირო და ინოვაციური რეფორმა ჩაუტარა Kelistones სხვადასხვა გვერდს.
2018 წელს სანი კელისთან ერთად გაემგზავრა აშშ-ში სადაც ერთად შეუდგნენ kelistones.ge – ს რებრენდინგს.
2020 წელს Kelistones – განახლებული, ინფორმაციულად და ტექნოლოგიურად საგრძნობლად დახვეწილი და გამართული საიტით დაუბრუნდა მკითხველს.
2022 წელს სანდრომ და კელიმ, ერთობლივი ძალებით შექმნეს Kelistones.store – ქვებზე და ექსკლუზიურ სამკაულზე ორიენტირებული, პირველი ქართული ინტერნეტ მაღაზია, სადაც მომხმარებელს შეუძლია დაათვალიეროს და შეიძინოს პირადად კელისა და Kelistones-ს დიზაინერების მიერ, ნატურალური ქვებით დამზადებული ნამუშევრები.
სანდრო აქტიურდ განაგრძობს ვებსაიტებზე და სოციალურ ქსელზე მუშაობას, რათა Kelistones-ს მომხმარებელს ჰქონდეს მაქსიმალურად კომფორტული გამოცდილება და ამომწურავი ინფორმაცია.
ადმინისტრატორი
ლალი
ამერიკაში გამგზავრების შემდეგ კელი კალიფორნიიდან პასუხობდა კლიენტების მონაწერებს, მაგრამ ლოს-ნჯელესსა დათბილის შორის დროის 12-13 საათინი სხვაობისა და ბრენდის მომხმარებლის რაოდენობის ზრდის გამო, სწრაფი და ხარისხიანი მომსახურეობის გაწევა ნელ-ნელა შეუძლებელი გახდა, ამიტომაც 2020 წელს Kelistones-ს გუნდს ახალი წევრი შეემატა, კელის დეიდა – ქალბატონი ლალი, რომელიც სოციალური ქსელების ადმინისტრატორია.
ქალბატონ ლალის დამთავრებული აქვს პოლოტექნიკური ინსტიტუტის მექანიკა-მანქანათმშენებლობის ფაკულტეტი და წლების განმავლობაში მართავდა პირად ბიზნესს. ასევე ბავშვობიდან გატაცებული იყო სამკაულის შექმნის პროცესითა და კრისტალების გამოკვლევით.
ყოველ დღე ქალბატონი ლალი პასუხობს Kelistones-ს ათობით კლიენტს და დროთა გნმავლობაში ერთგული მომხმარებლის დიდი სიყვარული დაიმსახურა.
ფინანსების მენეჯერი
ეკა
Kelistones-ის გაყიდვების სტაბილური ზრდის შედეგად ბრენდის გუნდს 2022 წელს დაემატა ახალი წევრი, კელის დეიდაშვილი, ქალბატონი ეკა, რომელმაც შეითავსა ბრენდის ფინანსების მეჯენერის როლი.
ქალბატონ ეკას დამთავრებული აქვს აკაკი წერეთლის სახელობის უნივერსიტეტი, სპეციალობით – ბიზნესის მართვა. მისი სამუშაო გამოცდილება მოიცავს ფინანსისტისა და მენეჯერის პოზიციებს. Kelistones-ის პარალელურად ის აგრძელებს საბანკო სივრცეში მოღვაწეობას, “რეგიონალური მენეჯერის მოადგილის” პოზიციით.
ქალბატონი ეკას Kelistones-ის გუნდში გაწევრიანება, მისი გამოცდილება, პროფესიონალიზმი და მუშაობის ეთიკა ბრენდის მომავლის აუცილებელი ნაწილია.
ვებსაიტის გრაფიკოსი და
ტექნიკური ასსისტენტი
ირაკლი
Kelistones-ს ჩამოყალიბებისთანავე კელის მამა – ბატონი ირაკლი აქტიურად იყო ჩართული ბრენდის მუშაობა/განვითარებაში, მას დამთავრებული აქვს თბილისის სამხატვრო აკადემია – მხატვარ დიზაინერის კვალიფიკაციით. მუშაობდა ბავშვთა სამხატვრო გალერეაში, “საქვაჭრობი”-ს სარეკლამო კომბინატში, “გაერთიანება “საქწიგნში”, ჟურნალ “ნიანგი”-სა და გაზეთ “სიმართლე”-ს რედაქციაში.
ამანათის გაგზავნიდან, Kelistones-ს ლოგოსა და ბანერის შექმნით დასრულებული, ბატონი ირაკლი უამრავი სხვადასხვა ასპექტის სწორად ფუნქციონირებას კურირებს, მისი ყოველდღიური თავდადების გარეშე Kelistones-ს ბრენდის მუშაობა შეუძლებელი იქნებოდა.
