mari Dua
(Keli)
მარი დუა, იგივე კელი დაიბადა და გაიზარდა საქართველოში, 90 იანების თბილისში, ხელოვანთა ოჯახში. ბავშვობიდანვე მუსიკის, კინოს, ლიტერატურისა და მხატვრობის გარემოცვაში იზრდებოდა. ხელოვნების სიყვარულმა კელის არაერთი საინტერესო სფერო გააცნო: კლასიკური მუსიკის სასწავლებელი, თანამედროვე მუსიკალური პროექტები, სადაც დაირქვა ფსევდონიმი კელი, ინდი როკ ჯგუფი ამ პერიოდში ჰქონდა არაერთი კონცერტი და ლაივ შესრულება, საავტორო ბალადების დუეტი, რომელიც ერთ-ერთი ქართული სატელევიზიო გადაცემის გამარჯვებული გახდა, რადიო წამყვანობა – პირადი რადიო გადაცემით, 3D გრაფიკა – ანიმაცია, ქართული ტიხრული მინანქარი, საიუველირო ხელოვნება, დამოუკიდებლად შესწავლილი მხატვრობა და რა თქმა უნდა მინერალები.
კელის კრისტალების შესახებ ინტერესი 2012 წელს სტუდენტობის პერიოდში გაუჩნდა. როდესაც მას უცხო ენების სწავლის სურვილი დაეკარგა, შექმნა “ნატურალური ქვებისა და სამკაულის” პროფილი ფეისბუქზე და ქვებზე მოძიებული ინფორმაციის გაზიარება დაიწყო.
დაინტერესებულ ადამიანთა რაოდენობამ იმატა და კელიმ ბევრად რაფინირებული და უხვი ინფორმაციის გაზიარება პირად ბლოგზე – kelisblog – ზე განაგრძო.
“ნატურალური ქვებისა და სამკაულის” გვერდის შექმნის სამი წლის თავზე, ქართულ ინტერნეტ სივრცეში კელიმ გააზიარა Kelistones . ge – ს საიტის პირველი ვარიანტი, სადაც თავმოყრილი იყო 67 ქვის ქიმიური, ოპტიკური და ისტორიული აღწერა, ეზოთერიკულ და ლიტოთერაპიურ ცნობებთან ერთად.
კელის ერთგულმა მკითხველმა და ზოგადად ქართულმა საზოგადოებამ ენციკლოპედია დიდი სიხარულით მიიღო, მნახველთა რაოდენობამ იმ დროის kelistones-თვის რეკორდულ რიცხვს მიაღწია, ერთ დღეში 56 ათასი ადამიანი ეწვია მის საიტს.
ამავდროულად გაიზარდა ნატურალურ ქვებზე მოთხოვნა, რის გამოც კელიმ დაიწყო სხვადასხვა ქვეყნებიდან მაღალი ხარისხის, ნატურალური კრისტალებისა და მინერალების იმპორტი.
ამავე პერიოდში კელი აქტიურად შეუდგა ქვებით სამკაულის დამზადებას, 2018 წელს თბილისში ჩაატარა სამკაულისა და კრისტალების გამოფენა “Crystal Springs”, რის შემდეგაც რამდენიმე თვეში მიიწვიეს აშშ-ში, არიზონის შტატში ცნობილი JOGS-ის გამოფენაზე. დღეს კელი მოღვაწეობს კალიფორნია – ლოს ანჯელესში საიდანაც უძღვება Kelistones-ს ბრენდს.
Kelistones.ge-ს შექმნის შემდეგ, კელიმ ენციკლოპედიას დაამატა 40 ახალი ქვის განხილვა და 20 დამოუკიდებელი სტატია ქვების გარჩევის, ისტორიისა და მითოლოგიის შესახებ.
ამავე პერიოდში კელიმ შეძლო Kelistones სამკაულის ბრენდის გუნდი ერთი ადამიანიდან 6 ინდივიდამდე გაიზარდა, რომელთა ერთობლივი ნაშრომი იგზავნება მთელს საქართველოსა და მსოფლიოში.
“ნატურალური ქვებისა და სამკაულის” შექმნის ათი წლის თავზე, 2022 წელს, კელიმ მის მომხმარებელს სრულიად განსხვავებული, განახლებული და დახვეწილი პროექტი წარუდგინა სახელად – “Kelistones.Store”, ეს გახლავთ პირველი ქართული, ქვებზე და ექსკლუზიურ სამკაულზე ორიენტირებული ინტერნეტ მაღაზია, სადაც მომხმარებელს შეუძლია დაათვალიეროს და შეიძინოს პირადად კელისა და Kelistones-ს დიზაინერების ნატურალური ქვებით დამზადებული ნამუშევრები.
“მიმაჩნია, რომ ნებისმიერი ნაბიჯი, ნებისმიერი წარმატება მოითხოვს თავდადებულ შრომას, მიზნისკენ სწრაფვას, საკუთარ თავთან და საქმესთან უღალატო დამოკიდებულებას.
ამ პრინციპზე დაყრდნობით შევქმენი Kelistones და ამ პრინციპით ვუძღვები მას.
ვიმედოვნები მომხმარებლისა და მკითხველის მხრიდან სიყვარულს, ბრენდის ზრდას და ახალი მწვერვალების დაპყრობას.”
“სიყვარულით კელისგან <3”
